雖然呢段日子都係好累同埋好擔心，但我好感恩，因為我知道我唔係一個人去撐的，我有愛我o既神同我一同經過，仲有一班神為我預備o既天軍天使的無限支持、鼓勵同代禱，我心內o既混亂都漸漸變得平安，我知道我要去改變，改變自己的老我，我知我老豆好需要福音，但願神比我有勇氣去同佢講神真係好愛佢，同樣我都好愛佢﹗我真係好需要大家為到我呢方面o既勇氣去切切代禱﹗(因為我真係好"咋"，好唔識得點樣去表達我對老豆的關心同愛)

另外，我真係好感恩，因為教會o既弟兄姊妹真係好好，好體諒我、好支持我同關心我哋一家，係呢段時間，我真係收到好多以唔同方式你哋對我同我一家的慰問同支持，我相信呢一切都係神ｏ既大愛以致我可以擁有呢班好好ｏ既弟兄姊妹所給予我ｏ既，我完全收到晒你哋對我的關心和心意﹗但我知道自己也有很多不足同唔懂得回應的時候，希望你們會明白同體諒我的軟弱﹗

今晚好開心，因為今晚一班ｏ既弟兄姊妹又係ＰＣ（有ｓｕｋｉ、ｉｒｉｓ、ｂａｂａ、ｓｈａｒｏｎ）同我預祝生日，當然仲有ｆａｎｎｙ啦﹗我真係好希望ｆａｎｎｙ同ｂｒａｉｎ都可以去認識呢位愛我哋ｏ既神，好想佢哋都成為弟兄姊妹，我哋真係要努力呀（信佐主ｏ既弟兄姊妹），我哋要好好傳揚神托付比我哋ｏ既使命﹗今年ｏ既生日我真係好開心同好多謝你們的體諒（專登就係我屋企樓下食飯）、好貴〔有金簿的蛋糕、燕窩同花旗心（比我老豆）〕ｏ既禮物同好有心ｏ既心意同埋祝福﹗我真係好難忘﹗好感恩﹗我知你哋好關心我，我完全收到，我都好慶幸我可以認識你哋，同埋可以係主內一同成長一同去經歷神ｏ既大愛﹗唔係個個都可以咁有福氣，而我，神就係咁為我預備咗你哋呢班咁我ｏ既好姊妹同好弟兄比我，真係好有一家人ｏ既感覺﹗衷心同你哋講句：謝謝﹗一切盡在不言中﹗God with us and love us forever!^^